Azərbaycan, Bakı, 29 noyabr / Trend , müxbir İ.Xəlilova/ Dünya maliyyə böhranı fonunda Azərbaycanda banklararası kredit bazarının inkişaf tempində müəyyən ləngimə müşahidə olunur. Çünki artıq Azərbaycan bankları daha mühafizəkar kredit siyasətinə keçiblər.
"Amma bank sistemində likvidlik qədərindən artıqdır, - UniBank Müşahidə Şurasının sədri Eldar Qəribov deyib - Banklarda likvidlik hətta əvvəlkindən daha artıqdır. Bank sistemi kreditləşmənin həcmini böhran şəraitində mühafizəkar siyasət üzündən məhdudlaşdırıb".
Onun fikrincə, Azərbaycan bankları riskləri həddən artıq sərt qiymətləndirməyə başlayıblar, uyğun olaraq kreditləşməni də azaldıblar.
Bank sistemində 1,9 mlrd. manart artıq likvidlik mövcuddur ki, ümumi bank səhmlərinin 23 faizini təşkil edir.
"Bununla belə, banklar bir-birlərinə könülsüz pul verirlər, bu da maliyyə böhranının əks-sədasının təsiridir", - Qəribov söyləyib. Amma bankların əcnəbi ehtiyatlara məhdudlu çıxışını dünya maliyyə böhranının Azərbaycan bank sektoruna təsiri ilə əlaqələndirmək olmaz.
Banklar öz planlarına düzəlişlər edirlər və kreditləşmə templərini azaldırlar. UniBank Müşahidə Şurasının sədrinin fikrincə, bu tam obyektivdir, çünki son iki il ərzində 20-dən çox bank ümumilikdə iki mlrd. dollardan çox xarici borclanmaya cəlb ediliblər.
"İndi, dünya maliyyə böhranı dövründə bu vəsaitlər plana uyğun şəkildə geri qayıdır. Hazırda biznesin həcmlərinin korreksiyası baş verir, cari likvidliyə gəlincə, bu gün heç bir Azərbaycan bankının bununla bağlı problemi yoxdur. Bu da müştərilər qarşısında öhdəlikləri, ödmə tapşırıqlarını yubanmadan yerinə yetirməyə imkan verir", - UniBank rəhbəri deyib.
Kreditləşmə templərinin azalmasına baxmayaraq, UniBank-ın kredit portfeli 40-50 faiz artıb. Qəribovun sözlərinə görə, bank sistemində normal artım 20 faiz səviyyəsində olmalıdır. Amma o, avqsutun sonundan yeni kreditlərin verilməsinin 80 faiz azaldığını istisna etməyib.
"Dünya maliyyə böhranı biznesin bütün sahələrinə təsir edir, məsələ sadəcə bu təsirin səviyyəsindədir", - Qəribov qeyd edib
"Son bir neçə ildə Azərbaycanın maliyyə sistemi inanılmaz templərlə inkişaf edib. Bizim bankımız ötən ilin nəticələrilə müqayisədə 2,7 dəfə böyüyüb. Bu artım tepmini gələcəkdə də davam etdirəcəyik. Biz inkişaf edəcəyik, amma artıq daha aşağı templərlə - 20-40 faid dəhlizində, 270 faizlik artım artıq olmayacaq", o deyib.
"Bu gün biz gələn il üçün büdcənin formalaşması zamanı inkişaf üçün rəqəmləri müəyyənləşdiririk, amma artıq əvvəlki yüksək templərlə deyil, - təxminən 25-40 faiz səviyyəsində edirik", - Qəribov əlavə edib.
UniBank Azərbaycanın ən iri özəl banklarından biridir. Maliyyə göstəricilərinə görə, UniBank liderlərin üçlüyünə daxil olur. Bankın Nizamnamə fondu 15 mln. m anat, məcmu kapitalı 67 mln. manat təşkil edir. Noyabrın 28-nə bankın aktivləri ilin əvvəlindəki 370 mln. manata qarşı 440 mln. manat təşkil edir. Kredit portfeli 345 mln. manat, depozit portfeli - 342 mln. manat, o cümlədən əhalinin əmanətləri 87 mln. manat təşkil edir.
Bankın səhmdarları sırasına Avropa Yenidənqurma və İnkişaf Bankı (AYiB) və Alman İnvestisiya Korporasiyası - DEG daxildir.
Noyabrın 29-na olan cari mübadilə məzənnəsi - 0,8079 AZN/USD
Müəlliflə əlaqə ünvanı: [email protected]
