Azərbaycan, Bakı, 16 dekabr/ Trend /
Azərbaycanın Star Alyans sığorta şirkəti nümayəndəliyinin rəhbəri Dövlət Səlimov, xüsusi olaraq Trend üçün
2008 - ci il Azərbaycanın sığorta şirkətləri üçün sınaq ili hesab oluna bilər. Martda yeni Sığorta haqqında Qanun qəbul edildikdən sonra şirkətlər müəyyən dəişikliklər etməklə, qarşıya qoyulmuş məqsədlərə nail olmaq uğrunda mübarizəyə başladılar, bir çox şirkətlər qalıb gəldi, bir çoxları isə məğlub oldu. Bu proses gözlənilən idi; bu mexanizim 1993 - cü ildə qəbul edilmiş Qanundan irəli gələn tələblərə tam cavab verə bilməzdi. Belə bir məqamda yalnız yeniliklərlə müştərilərinə daha yüksək xidmət göstərməyə çalışan şirkətlər öz mövqeyini sabit saxlaya bildi. Yəni bu Qanun Azərbaycan sığorta bazarında yeni bir inkişaf mərhələsi oldu.
2008 - ci ildə sığorta bazarındakı vəziyyəti araşdıraraq belə qərara gəlmək olar ki, artıq Azərbaycanda, sözün əsil mənasında, sığorta sektorunun inkişafı üçün lazımi şərait yaranıb. Sığorta şirkətləri bu şəraiti düzgün qiymətləndirməli və gələcək hədəflərini dəqiq müəyyən etməlidir.
2009 - cu ildə ölkə iqtisadiyyatının , o cümlədən sığorta sektorunun da inkişafı gözlənilir. Ölkə iqtisadiyyatı inkişaf etdikcə, yeni sahibkar subyektləri çoxaldıqca, sığorta şirkətlərinin də, real korporotiv müştərilərinin sayı artmaqda davam edir.
Korporotiv satış isə, hər bir sığorta şirkəti üçün inkişaf deməkdir. Bu baxımdan, 2009 cu il sığorta şirkətləri arasında müştəri qazanmaq uğrunda rəqabətin daha da güclənəcəyi gözlənilir. Sağlam rəqabət şirkətin inkişafına zəmin yaradan faktorlardan biridir.
Konkret sığorta növləri üzrə proqnozlar haqda aşağdakıları demək olar:
- Kasko - dünya maliyyə böhranının ölkənin bank sektoruna təsiri nəticəsində, sığortanın bu növündə aşağı yığım dərəcəsi gözləniləndir.
- LIFE sığorta - bu sığorta növünün də inkişafı gözləniləndir. Bu, əsasən, insanların həyat səviyyəsinin yüksəlişi və turizm şirkətlərinin inkişafı ilə əlaqədardır;
- Əmlak sığortası - bu sığorta növündə yüksək inkişaf tempi gözlənilir. Belə ki, ölkədə sahibkarlar tərəfindən daşınmaz əmlak yatırımların gözlənilməz risqlərdən qorunması məqsədi ilə sığortanın bu növünə tələbat yaranacaq;
- Kənd təsərüffatı sığortası - üzun illər sığorta bazarında elə də mühüm yer tutmasa da, bu il onun da inkişafı istisna edilmir.Ölkənin kənd təsərüffatı sektorunda planlaşdırılan inkişaf belə proqnoza əsas verir.
Bütün bu proqnozlar onu deməyə imkan yaradır ki, 2009 - cu il Sığorta Sektorunda mühüm və fərqli inkişaf gözlənilir.
