Azərbaycan, Bakı, 06 aprel / Trend , müxbir İ.Xəlilova /
İctimai televiziyada gedən diskussiyalar zamanı maliyyə naziri Samir Şərifov deyib ki, dünya maliyyə böhranı şəraitində ölkələrin iqtisadiyyatına əlavə axınlar mütləqdir.
Onun sözlərinə əsasən, dünya maliyyə bazarları praktiki olaraq fəaliyyət göstərmirlər.
"Bu hallar tələbatı ağırlaşdırıb və məntiqi nəticə olaraq, Dünya Bankının (DB) proqnozlarına əsasən, dünya iqtisadiyyatı 2009-cu ili mənfi göstəricilərlə başa vuracaq. Bu o deməkdir ki, dünya bank sisteminin canlanması üçün likvidlik problemini həll etmək gərəkdir", - nazir deyib.
Hazırki böhranın kökləri ucuz pul-krediti siyasəti aparan ABŞ-dadır. Digər tərəfdən də ABŞ-ın büdcə xərcləri və müvafiq olaraq büdcə kəsirləri sürətlə qalxıb.
"Fikrimcə, Amerika iqtisadiyyatının əsas problemlərindən biri yığım səviyyəsinin və yatırımların vəziyyətinin yüksək olmamasıdır. Başqa ölkələr, o cumlədən Azərbaycan, rezervləri çox olduğundan depozitlərini Amerika valyutasında Dövlət Neft Şirkətində və Milli Bankda saxlayır. Çünki ölkənin ixracatı əsasən neft və neft mhsullarından ibarətdir", - Şərifov bildirib.
Ölkənin müsbət ticarət saldo vəsaitləri Amerikanın qiymətli kağızlarına yatırılır. ABŞ isə bundan büdcə kəsirinin ödənilməsi üçün istifadə edir. Şərifovun sözlərinə əsasən, ABŞ hələ 2000-ci ilin əvvəlində bu tip problemlə rastlaşıb, hətta büdcə kəsiri ilə bağlı araşdırmalar da aparılıb.
"Hazırda ABŞ maliyyə bazarlarında baş verən "yanğını söndürmək üçün" çoxlu vəsait tələb olunur. Fikrimcə, ABŞ rezerv valyutasının emitenti olduğuna görə əsas güc olaraq qalır və bu səbəbdən Amerika valyutası təhlükəsiz valyuta statusunu qoruyub saxlayır", - nazir qeyd edib.
Nazirə görə, problemin həlli əlavə likvidliyin yaradılması və bu baş verdikdən sonra G-20 çərçivəsində dünya maliyyə sistemi üçün yeni qaydaların yeridilməsindədir.
Məqalə müəllifi ilə əlaqə ünvanı: [email protected]