Azərbaycan, Bakı, 10 oktyabr / Trend ,müxbir Ü.İsmayılova /
Standartlaşdırma, Metrologiya, Patent üzrə Dövlət Komitəsi milli akkredetasiya sisteminin yaradılması üzrə işləri sürətləndirib, Ramiz Həsənov "Yeni Azərbaycan" saytında yerləşdirilən müsahibəsində deyib.
"Dövlət Komitəsinin bütün şöbələri normativ bazanın yaradılması və onun beynəlxalq standartlara uyğunlaşdırılması istiqamətində fəal işlər görür", - Həsənov deyib.
Onun sözlərinə görə, komitə artıq milli akkredetasiya sistemi üçün fundamentin yaradılmasına dair sənədləri hazırlayıb. Onların arasında akkredetasiya sisteminin əsas müddəaları, akkredetasiya sisteminə uyğun olan nişanlar, reyestrin aparılması qaydaları var. Dövlət komitəsi həmçinin bu sahədə İSO/İEK 17025 beynəlxalq standartlarının tətbiqini planlaşdırır.
"Milli akredetasiya sistemini yaradılması ilə əlaqədar olaraq, Dövlət komitəsi Beynəlxalq standartlaşdırma təşkilatı İSO ilə sıx əməkdaşlıq edir", - Həsənov deyib.
Onun sözlərinə görə, 21-23 oktyabr tarixlərində Azərbaycanda İSO-nun Beynəlxalq Qafqazda ilk seminarı keçiriləcək.
"Azərbaycan iqtisadiyyatının sürətli artımı təşkilatın ölkəyə olan marağını artırır, - Həsənov deyib. Ölkənin ixracata istiqamətləndirilməsinin dayanıqlığı və sürətlənməsi üçün dünya standartlarının qəbulu və tətbiqi çox mühümdür. Azərbaycan Standartlaşdırma institutu bu istiqamətdə işlər görür".
Hazırda müxtəlif sahələr üçün beynəlxalq standartların müəyyən edilməsi əsas məsələdir və institut tərəfindən 300 milli standart hazırlanıb.
"Əsas məqsəd istehlakçılarının tələblərinə əsaslanan istehsalat prosesinə və iqtisadiyyatın inkişafına kömək göstərməkdir"- Həsənov belə hesab edir.
Məqalə müəllifi ilə əlaqə ünvanı: [email protected]