Azərbaycan, Bakı, 13 mart / Trend , müxbir Ü.İsmayılova/
Azərbaycanda "Motor" (Nəqliyyat) Sığorta Bürosunun yaradılması planlaşdırılır. Büro avtomobil sahiblərinin mülki məsuliyyətinin icbari sığortası üzrə müqavilələrin (OSAQO) qeydiyyatı ilə məşğul olacaq. Bu barədə Azərbaycan Sığortaçılar Assosiasiyasının icraçı-direktoru Qafar Məcidov məlumat verib.
"Hazırda sığorta bürösunun yaradılması üzrə Ukraynanın təcrübəsi öyrənilir. Buna müvafiq surətdə ola bilsin ki, Azərbaycanda da bu struktur qeyri-dövlət strukturu olsun", - Məcidov deyib.
Onun sözlərinə görə, hazırda yeni strukturun dəqiq modeli assosiasiya tərəfindən hazırlanır və Ukrayna ilə yanaşı digər modellər də öyrənilir.
Məcidovun fikrincə, belə strukturun yaradılması Azərbaycanın sığorta bazarı üçün vacibdir.
Ukraynanın "Motor" Sığorta Bürosu (UMNSB) qeyri-sahibkar təşkilatdır. Bu, yerüstü nəqliyyat vasitələri sahiblərinin mülki-hüquqi məsuliyyətinin icbari sığortasını həyata keçirir. UMNSB-yə üzvlük avtomobil sahiblərinin mülki məsuliyyətinin icbari sığortası (OSAQO) sahəsində fəaliyyətin həyata keçirilməsi üçün məcburi şərtdir.
UMNSB-nin fəaliyyəti Ukraynanın "Yerüstü nəqliyyat vasitələri sahiblərinin mülki-hüquqi məsuliyyətinin icbari sığortası haqqında" Qanuna, Ukrayna qanunvericiliyinə və nizamnaməyə əsaslanır.
Azərbaycan Sığortaçılar Assosiasiyası 2006-cı ilin dekabrında təsis edilib. Ölkədə fəaliyyət göstərən sığortaçıların hamısı Assosiasiyanın üzvüdür. Təşkilatın Müşahidə Şurasına Azərbaycanın beş sığorta şirkəti daxildir - MBASK, "Standard Insurance", Beynəlxalq Sığorta Şirkəti, "Azərsığorta", "Atəşgah".