Azərbaycan, Bakı, 11 noyabr /Trend, müxbir N.İsmayılova/
Almaniya və Azərbaycan arasında ikili vergiqoymanın aradan qaldırılması barədə razılaşma imzalandıqdan sonra alman biznesinin nümayəndələri Azərbaycanda fəaliyyət prosesində problemlərlə üzləşmirlər. Bu barədə Almaniyanın Azərbaycandakı səfiri Herbert Kvelle Azərbaycanın vergilər naziri Fazil Məmmədovla görüşdə deyib. Bu barədə cümə axamı nazirliyin "Vergilər" qəzetində məlumat verilib.
Kvellenin sözlərinə görə,bu sazişin imzalanması iki ölkə arasında iqtisadi münasibətlərin genişlənməsi üçün yaxşı əsas yaradıb. "Tezliklə Bakıda fəaliyyətə başlayacaq Alman-Azərbaycan palatasının yaradılması bu istiqamətdə mühüm addımlardan biridir. Bu, Azərbaycanı dünya ictimaiyyətinə etibarlı tərəfdaş kimi təqdim edəcək", - diplomat deyib.
Azərbaycanın vergilər naziri Fazil Məmmədov qeyd edib ki, ölkədə xarici investisiyaların saxlanılması və təşviqi üçün güclü qanunvericilik bazası, uzunmüddətli siyasi sabitlik sayəsində əldə olunmuş əlverişli investisiya mühiti var.
