...

Xarici pensiya fondları Azərbaycanın mikromaliyyə sektoruna investisiyaları artırırlar

Biznes və iqtisadiyyat xəbərləri Materials 11 Dekabr 2010 14:40 (UTC +04:00)

Azərbaycan, Bakı, 11 dekabr /Trend, müxbir İ.Xəlilova/

Xarici pensiya fondlarının Azərbaycanın mikromaliyyə bazarına marağı xeyli artıb və bu günə onların sayı artıq 15-ə çatır. Bu barədə şənbə günü Azərbaycan Mikromaliyyə Assosiasiyasının (AMFA) icraçı direktoru Jalə Hacıyeva deyib. Onun sözlərinə görə, bu fondların hər birinin portfeli 60 milyon dollara çatır.

"Əvvəlcədən bu sektora investisiya qoymaq istəyənlər beynəlxalq humanitar təşkilatlar olub, bu gün isə əhatə genişlənib və indi onlara pensiya fondları qoşulur. Belə fondlar son beş-altı ildə yaradılmağa başlayıb və onlar istəyirlər ki, qoyulan vəsaitlər sosial effekt versin", - Hacıyeva qeyd edib.

Bu investorlar üçün cəlbedici onların pul qazanması deyil, öz pullarını verməklə kiminsə həyatını yaxşıya doğru dəyişə bilmələridir. Bu investorlar üçün böyük bizneslə müqayisədə bu gün cəlb edilən vəsaitlər üzrə ödənişin çox asta həyata keçirilməsi rol oynamır [əgər bu investisiyalar kənd təsərrüfatına qoyulubsa, azı 3 il lazım olacaq]. İstənilən halda, pensiya fondları mikromaliyyələşdirmə kimi stabil biznesə vəsait qoymağa çalışırlar.

"Düzdür, maliyyə marağı da onlar üçün müəyyən əhəmiyyət kəsb edir. Lakin, məsələn, Niderlanddakı pensiya fondlarını götürsək, orada digər investorlarla yanaşı, sosial fondlar da var. Bu gün Azərbaycanda maliyyələşmənin mənbəyi əsasən ABŞ-ın "Development World Markets" fondu vasitəsilə investisiya yatıran Fransa, ABŞ, İsveçrə, Niderlanddan olan pensiya fondlarıdır", - Hacıyeva əlavə edib.

Öz növbəsində, "Oika Credit" (Niderland) kimi sosial investor bu ölkədə işləyən digər üç-dörd fonda arxalanır.

Maraqlıdır ki, onlar təkcə investisiya qoymurlar, eləcə də vəsaitlərdən istifadə prosesinə nəzarət edirlər.

Hacıyevanın sözlərinə görə, hazırda "Oika Credit"in Azərbaycanda müştərilərlə görüşən nümayəndələri var. Şirkətin ölkə üzrə portfeli orta hesabla 60 milyon dollar təşkil edir, bu vəsaitlər də bank olmayan kredit təşkilatlarına verilir. "Beynəlxalq təşkilatlar Azərbaycanda ofislərini açmaları üçün müəyyən portfelə malik olmalıdırlar, lakin bu gün "Olika Credit"in Azərbaycandakı portfeli bu limitə çatmayıb, buna görə bu barədə söhbət hələ ki gedə bilməz", - AMFA nümayəndəsi hesab edir.

AMFA 2001-ci il dekabrın 19-da milli mikromaliyyə konfransı zamanı Azərbaycanda mikromaliyyələşdirmə proqramlarının həyata keçirilməsi məqsədilə 10 beynəlxalq təşkilat tərəfindən yaradılıb. AMFA-nın missiyası mikromaliyyə institutlarının potensialının artırılmasına kömək etmək, eləcə də mikromaliyyə ittifaqlarının və onların müştərilərinin maraqlarının ödənilməsinə yönələn birgə effektiv fəaliyyətin həvəsləndirilməsidir.

Hazırda ölkənin mikromaliyyə sektoru biznesin bu növü ilə məşğul olan 15 bank və 19 bank olmayan kredit təşkilatı ilə təmsil olunub.

Xəbər lenti

Xəbər lenti