Azərbaycan, Bakı, 12 may /Trend, müxbir A.Axundov/
Azərbaycanın sığorta şirkəti "Qarant Sığorta" 2011-ci ildə məhsul xəttinin genişləndirilməsini davam etdirəcək. Bu barədə Trend-ə müsahibəsində "Qarant Sığorta" şirkətinin idarə heyətinin sədri Vaqif Həsənov deyib.
"Biz yeni nə isə kəşf etmirik, biz yaxşı satılan sığorta məhsullarına müəyyən yeniliklər edirik. Bunlar avtomobil, əmlak sığortası və icbari növlərdir", - Həsənov bildirib.
Onun sözlərinə görə, indi şirkət avtomobil sığortası üzrə yeni məhsul üzərində işləyir. O, avtomobillərin sığortalanmasını daha əlverişli edəcək. Məhsul yaxın bir neçə həftə ərzində hazır olacaq.
"Bizim şirkətin işi bu il daha çox hazırlayacağımız məhsulların təbliğinə deyil, sosial fəaliyyətə yönələcək", - Həsənov qeyd edib.
Həsənovun sözlərinə görə, şirkətin hələ ki həyat sığortası ilə məşğul olmaq planları yoxdur.
"Mən deyə bilmərəm ki, şirkətimiz non-life sığorta bazarında hər şeyi edib. Ola bilsin ki, biz bu barədə fikirləşəcəyik, lakin 2012-ci ildən tez olamayacaq", - Həsənov vurğulayıb.
"Qarant Sığorta" şirkəti Azərbaycan Maliyyə Nazirliyindən sığorta fəaliyyəti üçün lisenziyanı 2007-ci ilin noyabrında alıb. "Qarant Sığorta" ZQAN Holding-in tərkibinə daxildir.
