Azərbaycan, Bakı, 18 may /Trend, müxbir A.Axundov/
"Sığortanın icbari növləri haqqında" qanun layihəsindən daşınmaz əmlakın sığortası üçün franşizlərə aid bəndi çıxartmaq təklif edilir, belə ki, o, bu qanunun digər bəndləri ilə ziddiyyət təşkil edir. Bu barədə Trend-ə çərşənbə günü Azərbaycan Sığortaçılar Assosiasiyasının icraçı direktoru Azər Əliyev deyib.
Qanun layihəsinin üçüncü oxunuşuna hazırlıq çərçivəsində assosiasiya təklifləri mayın əvvəlində Maliyyə Nazirliyinə təqdim edib. Qanun layihəsi aprelin sonunda ikinci oxunuşda qəbul edilib.
"İlk təkliflər qanun layihəsinin strukturunun yaxşılaşdırılması üçün texniki xarakter daşıyıb. Qanun layihəsində bir neçə maddəni çıxarmaq da təklif edilib. Belə ki, onlar layihənin digər müddəalarında təkrar olunub", - Əliyev qeyd edib.
Onun sözlərinə görə, bundan başqa, sığortaçılar qanunda söhbət gedən "Sağlamlığa vurulan ziyan" anlayışı ilə yanaşı, "Həyata vurulan ziyan" anlayışını daxil etməyi, eləcə də sığortaçı tərəfindən sığorta ödənişlərinin ödənilməsini bir dəfə deyil, iki dəfə ödəməklə təklif ediblər.
"Bundan başqa, "Nəqliyyat vasitələri sahiblərinin vətəndaş məsuliyyətinin icbari sığortası" başlığının adını "Avtonəqliyyat vasitələri sahiblərinin vətəndaş məsuliyyətinin icbari sığortası"na dəyişmək təklif edilib, belə ki, qanunda avtonəqliyyatdan söhbət gedir.
Onun sözlərinə görə, hələ ki Maliyyə Nazirliyindən cavab verilməyib.
Yeni qanun layihəsi icbari sığortanın dörd növünü - daşınmaz əmlakın, avtonəqliyyat vasitələri sahiblərinin məsuliyyətinin, sərnişinlərin və daşınmaz əmlakın istismarı zamanı vətəndaş məsuliyyətinin sığortalanmasını tənzimləyir.
Qanun layihəsinə əsasən, mənzilin qiymətindən asılı olmayaraq, Bakı üçün 25 min manat səviyyəsində məbləğin tətbiq edilməsi barədə qərar qəbul edilib, azadolma məbləği isə 250 manat səviyyəsində müəyyənləşdirilib. Sumqayıt, Gəncə və Naxçıvan şəhərləri üçün 200 manat azadolma məbləği ilə sığorta məbləği 20 min manat, qalan regionlar üçün 15 min manat (150 manat) səviyyəsində təşkil edir.
Sığortanın bu növü üzrə 0,2 faizlik sığorta tarifi ilə paytaxt sakinləri üçün sığorta haqqı 50 manat təşkil edəcək, sığorta ödənişinin böyük məbləğinə ümid edənlər isə əmlakın könüllü sığorta polisini almaq imkanını əldə edirlər, bu isə sığortanın bu istiqamətinin də inkişafına imkan verəcək.
Qanun layihəsinə əsasən, daşınmaz əmlakın icbari sığortası fiziki şəxslərə məxsus bütün növ tikililərə, yaşayış evlərinə, hüquqi şəxslərin ofislərinə, dövlət əmlakına aid olacaq. Bununla yanaşı, sığorta faktları bu əmlaka yanğın, partlayış, tufan, elektrik şəbəkəsində qısaqapanma, kanalizasiya və ya su kəməri sistemində qəzalar, təbii kataklizmlər və s. nəticəsində dəyən ziyanlar hesab ediləcək.
Daşınmaz əmlakın istismarı ilə bağlı vətəndaş məsuliyyətinin icbari sığortası üçüncü şəxslərin bu əmlakdan istifadə zamanı dəyən ziyandan sığorta müdafiəsini nəzərdə tutur. Sığortanın bu növü sahibkarlıq fəaliyyəti ilə məşğul olan hüquqi və fiziki şəxslərə aid olacaq. Sığortanın bu növü üzrə sağlamlığa dəyən ziyan zamanı ödənişin məbləği 50 min manat (bir nəfər üçün 5 min manat), əmlak üçün 50 min manat təşkil edəcək.
Sərnişinlərin icbari sığortası növündən asılı olmayaraq nəqliyyatdan istifadə edən şəxslərə şamil ediləcək. Bu halda sığorta ödənişinin məbləği bir nəfər üçün 5 min manat təşkil edəcək. İndiyədək sığortanın bu növü 2003-cü ildə qəbul edilən qanunla tənzimlənib. Lakin hazırda onun forması qəbuledilməzdir və təzminat alarkən problemlər yaradır.
Qanun layihəsi avtonəqliyyat vasitəsindən asılı olaraq sığorta tarifinin müəyyənləşdirilməsi zamanı şaxələndirilmiş yanaşmanı nəzərdə tutur. Əmlak üzrə avtonəqliyyat vasitələri sahiblərinin məsuliyyətinin ödəniş məbləği 5 min manat (hazırda 1 min manat), sağlamlıq üzrə 50 min manat (hazırda 5 min manat) təşkil edəcək. Fəaliyyətin bu növü 1996-cı ilin qanunu ilə tənzimlənir.
Azərbaycanda 28 sığorta şirkəti və 1 təkrar sığorta şirkəti fəaliyyət göstərir.
Mayın 18-nə olan rəsmi məzənnə 0,7905 AZN/USD təşkil edir.
