Azərbaycan, Bakı, 11 dekabr /Trend, müxbir A.Axundov/
"Paşa Bank" 2013-cü ildə ölkənin bank bazarında gözlənilən konsolidasiya üzrə proseslər fonunda hər hansı bankı əldə etməkdə maraqlı deyil. Bu barədə çərşənbə axşamı Trend-ə bankın İdarə heyətinin sədri Fərid Axundov deyib.
"Bizim başqa strategiyamız var, bizə törəmə şəbəkələr lazım deyil", - Axundov qeyd edib.
Xatırladaq ki, Mərkəzi Bankın İdarə Heyətinin 25 iyul 2012-ci il tarixli qərarı ilə fəaliyyətdə olan bankların məcmu kapitalının, habelə yeni yaradılan banklar üçün nizamnamə kapitalının minimum miqdarı 10 milyon manatdan (12,7 milyon dollar) 50 milyon manatadək (63,7 milyon dollar) artırılıb. Fəaliyyətdə olan banklar üçün bu qərar 1 yanvar 2014-cü ildən qüvvəyə minir.
