...

Bakı-Biləcəri sahəsində 9 km dəmir yolunun əsaslı təmiri başa çatır (FOTO)

Biznes və iqtisadiyyat xəbərləri Materials 3 Avqust 2013 08:21 (UTC +04:00)
Bakı-Böyük Kəsik istiqamətində 317 km yolun əsaslı təmiri davam edir.
Bakı-Biləcəri sahəsində 9 km dəmir yolunun əsaslı təmiri başa çatır (FOTO)

Trend-i buradan izləyin

Azərbaycan, Bakı, 3 avqust /Trend/

Bakı-Böyük Kəsik istiqamətində 317 km yolun əsaslı təmiri davam edir.

"Azərbaycan Dəmir Yolları" QSC-nin mətbuat xidmətinən Trend-ə verilən məlumata görə, avqustun 3-də Biləcəri stansiyasında 1100 metr yolun əsaslı təmirinə başlanılacaq və iki gün davam edəcək. Bununla da dəmiryolun Bakı-Biləcəri sahəsində iyulun 13-də startı verilmiş 9 kilometr yolun əsaslı təmiri başa çatacaq.

Əsaslı təmir işlərini QSC-nin "Dəmiryolservis" MMC-nin müəssisələri həyata keçirir. MMC-nin baş direktoru Əli Əşrəf Lütfəlibəyovun sözlərinə görə, "Azərbaycan Respublikasında dəmiryol nəqliyyat sisteminin 2010-2014-cü illərdə inkişafına dair Dövlət Proqramı"nın icrası çərçivəsində əsaslı təmir işlərinə 10 iyun 2011-ci ildə Tatlı-Ağstafa sahəsinin 97-ci kilometrində start verilib, bu günə kimi 262,6 kilometr yol əsaslı təmir olunub, bunun da 191 kilometrinin 800 metrlik uzunölçülü relslərlə (pletlərlə) əvəzlənməsi başa çatıb.

İnfrastruktur Departamenti tərəfindən Bakı-Böyük Kəsik istiqamətində əsaslı təmir olunması nəzərdə tutulan kilometrlərin təmir ardıcıllığı siyahısı hazırlanıb və işlər bu ardıcıllığa uyğun həyata keçirilir. Yolların əsaslı təmiri prosesini Çexiyanın "İxrac" Bankının nəzarət qrupu müşahidə edir.

Məqalədə:
Xəbər lenti

Xəbər lenti