Azərbaycan, Bakı, 29 dekabr /Trend, müxbir A.Axundov/
Azərbaycan Əmək və Əhalinin Sosial Müdafiəsi Nazirliyində 150-yə yaxın vakant yer var. Trend-in məlumatına görə, bu barədə əmək və əhalinin sosial müdafiəsi naziri Səlim Müslümov qurumun yeni əməkdaşları ilə görüşündə bildirib.
Onun sözlərinə görə, vakansiyaların böyük hissəsi regionların payına düşür, nazirliyin aparatında isə 19 vakant iş yeri var.
Nazirlik əməkdaşları Azərbaycan Prezidenti yanında Dövlət Qulluğu Məsələləri üzrə Komissiya vasitəsilə cəlb etməyə başlayıb.
S.Müslümov deyib ki, əhali ilə bilavasitə təmasda olan əməkdaşların işinin keyfiyyəti xüsusilə vacibdir: "Biz nazirliyin tərkibini yenidən belə əməkdaşlarla formalaşdırmalıyıq".
