...

Azərbaycanda işsizlərin sayı təxminən 2 faiz azalıb

Biznes və iqtisadiyyat xəbərləri Materials 20 May 2014 16:09 (UTC +04:00)

Trend-i buradan izləyin

Azərbaycan, Bakı, 20 may /Trend, müxbir Z.Qurbanova/

Mayın 1-nə olan vəziyyətə görə, Azərbaycanda işsizlər qismində 36,8 min nəfər rəsmi qeydiyyatdan keçib ki, onlardan 40,9 faizi qadındır. Trend-in məlumatına görə, bu barədə Dövlət Statistika Komitəsinin hesabatında deyilir.

Ötən ilin müvafiq dövrü ilə müqayisədə işsizlərin sayı 1,87 faiz azalaraq 37,5 min nəfər təşkil edib.

Hesabata əsasən, Azərbaycanda işsizliyə görə müavinətin orta məbləği 247,8 manat olub. Müavinətin məbləği il ərzində 0,3 faiz azalıb.

2014-cü il mayın 1-nə işsizlərin və işsizliyə görə müavinət alanların ayrı-ayrı şəhər və rayonlar üzrə bölgüsü (nəfər):

İqtisadi rayonlar:

İşsizlik statusu olanlar:

Onlardan müavinət alanlar:

Bakı

13726

716

Abşeron

1732

363

Gəncə-Qazax

2315

189

Şəki-Zaqatala

1073

86

Lənkəran

1029

56

Quba-Xaçmaz

1176

106

Aran

10071

385

Yuxarı Qarabağ

3322

125

Kəlbəcər-Laçın

1429

43

Dağlıq Şirvan

944

24

Naxçıvan

-

-

2014-cü il mayın 1-nə olan vəziyyətə görə, daha çox sayda işsiz (13 726 nəfər və onlardan yalnız 716 nəfəri müavinət alır) Bakıda və Aran iqtisadi rayonunun rayonlarında (müvafiq olaraq 10 071 və 385 nəfər) qeydiyyata alınıb.

Hesabata görə, 2014-cü il mayın əvvəlinə ölkənin əmək qabiliyyətli əhalisinin sayı 4775 min nəfər təşkil edib ki, bunların 4538,4 min nəfəri əmək fəaliyyəti ilə məşğul olub. 2014-cü ilin aprelin 1-nə olan vəziyyətə görə, muzdla işləyənlərin sayı 1473,3 min nəfər olub. Muzdla çalışanların ümumi sayından 900,7 mini dövlət sektorunda, 609,7 min nəfəri isə özəl sektorda çalışıb.

Muzdla işləyənlərin 22,8 faizi istehsalat sahəsində çalışıb ki, bunun 7 faizi tikintidə, 6,6 faizi emal sənayesində, 2,9 faizi kənd və meşə təsərrüfatı, balıqçılıq sahəsində, 2,5 faizi hasilat, 2,1 faizi elektrik enerjisi, qaz sahəsində, 1,7 faizi su təchizatı, çirkab suların təmizlənməsi sahəsində çalışır.

Hesabatda deyildiyi kimi, xidmət sahəsinə gəlincə, bu sahədə çalışanların 22,4 faizi təhsil, 18,7 faizi topdan satış və pərakəndə ticarət, avtomobillərin, məişət avadanlıqlarıın təmiri, 8,6 faizi səhiyyə və sosial xidmətlər, 6,6 faizi dövlət idarəsi və müdafiə, sosial təminat, 5,1 faizi nəqliyyat və anbar təsərrüfatı, 3,7 faizi istirahət, əyləncə və incəsənət, 3,6 faizi peşə, elmi və texniki fəaliyyət, 1,9 faizi maliyyə və sığorta fəaliyyəti, 1,7 faizi informasiya və rabitə, 1,6 faizi inzibati və yardımçı xidmətlər, 1,1 faizi digər sahələrdə, eləcə də 0,8 faizi daşınmaz əmlak əməliyyatlarında çalışır.

Məqalədə:
Xəbər lenti

Xəbər lenti