Azərbaycan, Bakı, 5 avqust /Trend/
2014-cü ilin yanvar-iyun aylarında dövriyyədə olan pul kütləsi (dövriyyədəki nağd pulların (banklardan kənarda), maliyyə təşkilatlarının (kredit təşkilatlarından başqa) və fiziki şəxslərin hesablarındakı milli valyuta vəsaitləri qalıqları, M2) 2013-cü ilin analoji dövrü ilə müqayisədə 18,9 faiz artıb. Trend-in məlumatına görə, bu barədə Azərbaycan Mərkəzi Bankının statistik hesabatında deyilir.
Belə ki, bu ilin iyun ayı ərzində olan vəziyyətə görə, M2 göstəricisi 17 005,1 milyon manat təşkil edib. 2013-cü ilin analoji dövründə bu rəqəm 14 299,7 milyon manat olub.
Nağd pul kütləsi (M0) il ərzində 12,1 faiz artaraq 10 335,5 milyon manat təşkil edib. 2013-cü ilin analoji dövründə bu rəqəm 9 219,7 milyon manat olub.
2014-cü ilin yanvar-iyun aylarında olan vəziyyətə görə, genişlənmiş pul kütləsi (Broad Money Supply (M3) 20 569,2 milyon manat təşkil edib ki, bu da 2013-cü ilin analoji dövründə qeydə alınan nəticədən (17 013,1 milyon manat) 20,9 faiz çoxdur.
İl ərzində sövdələşmələr üçün məbləğlər (transaction money (M1) 12 faiz artaraq 12 710,6 milyon manat təşkil edib. 2013-cü ilin iyun ayının nəticələrinə görə bu rəqəm 11 356,4 milyon manat olub.
Pul bazarının parametrləri (milyon manatla)
|
Həcm, 01.07.2014 |
|
|
Genişləndirilmiş pul kütləsi (М3) |
20569,2 |
|
Manatla ifadədə pul kütləsi (М2) |
17005,1 |
|
Manatla ifadədə nağd pul (М0) |
10335,5 |
|
Manatla ifadədə nağdsız pul |
6 669,6 |
