Azərbaycan, Bakı, 24 dekabr /Trend, müxbir Emil İsmayılov/
Azərbaycanın "Silk Way Cargo" yük aviadaşıyıcısı və ABŞ-ın "Boeing" şirkəti 2015-2016-cı illərdə 3 "Boeing 747-8" təyyarəsinin alışına dair müqavilə imzalayıblar.
Bunu çərşənbə günü Trend-ə "Azərbaycan Hava Yolları" QSC-nin (AZAL) mətbuat xidmətinin rəhbəri Məhərrəm Səfərli deyib.
Müqavilə bu gün Bakıda imzalanıb. Həmçinin, bu gün AZAL-ın ABŞ şirkətindən əldə etdiyi yeni "Boeing B-787-8" (Dreamliner) təyyarəsinin qəbuletmə mərasimi keçirilib. Azərbaycan yaxın vaxtlarda bu tipli daha bir təyyarə alacaq.