...

Regionlarda "Uşaqlar gələcəyimizin sığortasıdır" sosial layihəsinə start verilib (FOTO)

Biznes və iqtisadiyyat xəbərləri Materials 4 May 2016 11:28
Təhsil Nazirliyinin və COMMUNITY.AZ dəstəyi, AXA MBASK sığorta şirkətinin təşəbbüsü ilə “Məktəb icmaları” layihəsi çərçivəsində Şəki və Quba şəhərlərində “Uşaqlar gələcəyimizin sığortasıdır” adlı sosial layihəyə start verilib.
Regionlarda "Uşaqlar gələcəyimizin sığortasıdır" sosial layihəsinə start verilib (FOTO)

Trend-i buradan izləyin

Bakı. Trend:

Təhsil Nazirliyinin və COMMUNITY.AZ dəstəyi, AXA MBASK sığorta şirkətinin təşəbbüsü ilə "Məktəb icmaları" layihəsi çərçivəsində Şəki və Quba şəhərlərində "Uşaqlar gələcəyimizin sığortasıdır" adlı sosial layihəyə start verilib.

Bu barədə Trend-ə AXA MBASK sığorta şirkətindən məlumat verilib.

Layihə çərçivəsində valideyn, şagird və müəllimlər üçün "Atam, anam və mən: bir-birimizi necə başa düşə bilərik?" və "Uşaqlarda davranış problemləri" adlı aktual mövzular üzrə təlimlər keçirilmişdir.

Təlimlərdə artıq 350 nəfərdən çox iştirak ediblər. İştirakçılar arasında Şəki şəhəri 5, 8, 10, 11 və 14 saylı tam orta məktəb və Quba şəhəri 1, 2, 3 və 5 saylı tam orta məktəbin valideyn, şagird və müəllimləri daxildir.

Təlimlər COMMUNITY.AZ - məktəb icma layihəsinin təşviq təşkilatının peşəkar psixoloqlar tərəfindən keçirilmişdir.

Qeyd edək ki, "Məktəb icmaları"nın əsas məqsədi şagirdlər, valideynlər və müəllimlər arasında ünsiyyət qurmaqdan, hər bir uşağın hərtərəfli inkişafı üçün şərait yaradaraq, tədrisin səmərəliyinin artırılmasından ibarətdir.

AXA MBASK sığorta üzrə dünya lideri AXA Qrupunun bir hissəsi olaraq, daima öz fəaliyyətini cəmiyyət qarşısında ictimai məsuliyyətinin bir hissəsi kimi vurğulayır.

Şirkət belə layihələrin uşaq və gənclərin hərtərəfli dünyagörüşə malik vətəndaş kimi yetişdirilməsinə xidmət edəcəyinə ümid bəsləyir.

Məqalədə:
Xəbər lenti

Xəbər lenti