İlin sonuna qədər Zığda və Hövsan qurğusunda kanalizasiya sularının təmizlənməsi üzrə əsas kanalizasiya xətlərinin və 2 saylı nasos stansiyasının genişləndirilməsi və bərpası layihəsinin (Hövsan layihəsi) həyata keçirilməsinə başlanacaq.
Azərsu SC-dən Trend ə bildirildiyi kimi, hazırda bu istiqamətdə işlər həyata keçirilir, xüsusilə müqavilədə nəzərdə tutulmuş tədbirlərin həyata keçirilməsi üçün Fransanın OTI SA nümayəndəliyi açılacaq.
Qeyd edək ki, Azərsu SC və Fransanın OTI SA şirkəti arasında Hövsan layihəsi üzrə saziş iyulun 27-də Bakıda imzalanıb. Sənədlər şirkətin prezidenti Jan Mişel Ervin və Azərsu SC-nin rəhbəri Oqtay Əsədov tərəfindən imzalanıb.
Fransa hökumətinin Bakı şəhərinin kanalizasiya sisteminin və ekologiyanın yaxşılaşdırılması məqsədilə Azərbaycana ayırdığı kreditin dəyəri 35 mln avrodur. OTI SA Fransa hökuməti tərəfindən investisiya baxımından sərfəli şərtlər irəli sürmüş şirkət kimi seçilib.
Layihənin dəyəri 43, 95 mln avrodur, Azərbaycan tərəfinin payı isə 8,95 mln avro təşkil edir. "Layihənin həyata keçirilmə müddəti 32 aydır" - deyə SC-də qeyd ediblər.