Qazaxıstanda böyüklüyünə görə ikinci bank olan TuranAlem (TAB), avqustun 24-də Bakıda öz nümayəndəliyini açır və yerli banklardan birini almaq istəyir. Bu barədə Trend ə TAB-ın Bakı nümayəndəliyinin rəhbəri Aida Sultanova məlumat verib.
Onun sözlərinə görə, onlar artıq Azərbaycan Ədliyyə Nazirliyində qeydiyyatdan keçiblər və indi Milli Bankın lisenziyasının gözləyirlər. TABı- Bakı nümayəndəliyinin Azərbaycanda açılışı bankın öz mövcudluğunu MDB ölkələrində genişləndirmək strategiyası çərçivəsində həyata keəçirilir.
Belə ki, hazırda TAB-ın Rusiya, Belarus, Ukrayna, Qırğızıstan, Gürcüstan, Ermənistan, Taciskistan, eləcə də Çin Xalq Respublikasında nümayəndəlikləri var.
Nümayəndəlik qazax bankının maraqlarını Azərbaycanda təmsil edəcək, bank sektorunu və maliyyə xidmətləri bazarını öyrənəcək, yerli banklarla əlaqələri inkişaf etdirəcək və bank xidmətləri göstərəcək. Həmçinin TAB Azərbaycanda öz fəaliyyətinin əçaç istiqamətini ticarət maliyyələşdirilmpəsi üzrə əməliyyatların həyata keçirilməsində görür.
TAB-ın aktivləri 5,5 milyard dolları ötür və onun ümumi kapitalının həcmi 600 milyon dollardan artıqdır.