Azərbaycanın suvarma-drenaj infrastrukturunun bərpa edilməsi və başa çatdırılması çərçivəsində Samur-Abşeron kanalının 27-50 km sahəsinin bərpası və yenidən qurulması layihəsinin gerçəkləşdirilməsi üçün işlər həyata keçirilir. Bu barədə Trend ə kənd təsərrüfatı nazirliyində bildirilib.
Dövlət strukturunda bildirilib ki, layihənin həmin komponentinin həyata keçirilməsi üçün maliyyənin Beynəlxalq İnkişaf Assosiasiyasının (BİA) Azərbaycan hökumətinə ayırdığı kredit vəsaitləri hesabına istifadə edilməsi planlaşdırılır.
Bu məqsədlə k/t nazirliyi yanında Meliorasiya və Su Təsərrüfatı Agentliyində xüsusi işçi qrupu yaradılıb.
Samur-Abşeron kanalının 27-50 km sahəsinin bərpası və yenidən qurulması üzrə işlərin gerçəkləşdirilməsi üçün tender elan edilib və tender Samur-Abşeron kanalının beton örtüyünün bərpa edilməsi, müxtəlif növ avadanlığın alınması, köhnə elektrik təminatı avadanlığının yenisi ilə əvəz edilməsi və s. kimi texniki işləri əhatə edir.
Yanvarın 15-də suvarma-drenaj infrastrukturunun bərpası və başa çatdırılması layihəsi üzrə işçi qrupunun iştirakı ilə layihə rəhbərliyinin maraqlı olan şəxslərlə görüşü keçiriləcək. Maraqlı olan şirkətlərin təklifləri isə 2006-cı il yanvarın 17-də təqdim edilməlidir.