Avqustun ilk on günlüyündə Asiya İnkişaf Bankının yol layihələri üzrə iqtisadçısı Honq Vanqın rəhbərlik etdiyi missiyanın Bakıya səfəri başlanacaq. Bankın Bakı nümayəndəliyindən Trend ə verilən məlumata əsasən, 4 günlük səfər zamanı bank ekspertləri Masallı-Astara magistralının bir hissəsinin bərpa layihəsinin texniki-iqtisadi əsaslandırmasının hazırlanması prosesilə tanış olacaq.
AİB bu məqsədlərə $700 min qrant ayıracaq ki, bununla əlaqədar saziş 2006-cı ilin mayında imzalanıb. Layihə hazırlandıqdan sonra AİB $100 mln. kredit verməyə hazır olduğunu bəyan edib.
Dünya Bankı avtomobil yolunun Ələt-Şorsula və Bakı-Şamaxı-Muğanlı hissələrinin bərpasını maliyyələşdirib. Bunun üçün bank $200 mln.ayırıb. Bu layihədə İran bankının da iştirakı planlaşdırılır ki, həmin bank $40 mln. ayırmaq niyyətindədir.
AİB-in yol missiyası Yevlax-Gəncə və Qazax-Gürcüstan sərhədi yollarının bərpa layihələri idə bağlı müzakirələr aparacaq. Ümumi həcmi $52 mln. olan kreditdaxili dövlət prosedurları üzündən hələ qüvvəyə minməyib, lakin layihənin gerçəkləşdirilməsinə hazırlıq gedir.
AİB-in krediti iki hissədən ibarətdir - yolların və sərhədyani xidmət komponentlərinin bərpası. Birinci komponentə adi kredit ehtiyatlarından $49 mln. ()4 illik güzəşt və libor+1% dərəcəsilə 24 ilə), ikinci komponentə - AİB-dən $3 mln. kredit (8 illik güzəşt və güzəşt müddətində 1% ilə, qalan vaxtda isə 1,5% ilə 32 ilə) ayrılacaq.
