...

AİB-in məsləhətçisi Masallı-Astara yolunun yenidənqurulması layihəsinin texniki-iqtisadi əsaslandırması üzrə hesabat təqdim edib

Biznes və iqtisadiyyat xəbərləri Materials 9 Avqust 2006 19:07 (UTC +04:00)

Trend-i buradan izləyin

Masallı-Astara magistralının yenidənqurulması layihəsi üzrə məsləhətçi - Amerikanın Tera şirkəti texniki-iqtisadi əsaslandırmanın ilkin xülasəsini "Yolnəqliyyatservis"ə təqimd edib. Nəqliyyat Nazirliyindən Trend ə verilən xəbərə görə, məsləhətçi Asiya İnkişaf Bankından (AİB) 700 min ABŞ dolları məbləğində texniki yardım çərçivəsində cəlb olunub. Bu bankla 2006-cı ilin may ayında qrant sazişi imzalanıb.

Layihənin TİƏ-si İranın Basilio şirkəti tərəfindən hazırlanıb. Lakin AİB-nin Masallı-Astara yolunun yenidən qurulmasının maliyyələşdirilməsi üzrə planlarla əlaqədar, layihənin təşkili və iş həcminin aşkar edilməsi üçün məsləhətçi cəlb olunub. Onun hesabatı həmçinin nazirlikdə də müzakirə ediləcək.

Yol layihələri üzrə iqtisadçı Xonq Vanqın başçılığı altında AİB-in missiyası avqustun 7-dən Bakıdadır. Missiya hazırlığın gedişi ilə tanış olur. Layihə hazırlandıqdan sonra Asiya bankı 100 mln. ABŞ dolları məbləğində krediti təqdim etməyə hazır olduğunu bildirib.

AİB-nin yol missiyası həmçinin Yevlax -Gəncə və Qazax-Gürcüstan sərhəddi yollarının yenidənqurulma layihələrinin gerçəkləşməsinin gedişi ilə tanış olub. Daxili dövlət prosedurları səbəbindən, 52 mln. ABŞ dolları məbləğində kredit hələ qüvvəyə minməyib, lakin layihənin həyata keçirilməsinə hazırlıq görülür.

AİB-in krediti iki hissədən ibarətdir: yolların yenidənqurulması və sərhədyanı servis komponentlərinin maliyyələşdirilməsi üçün. Birinci komponent üçün adi kredit resurslarından 49 mln. ABŞ dolları məbləğində kredit (4 illik güzəşt müddəti və ildə libor+1% faiz dərəcəsi ilə 24 il müddətinə), ikinci üçün isə - Asiya İnkişaf Fondundan 8 il güzəşt müddəti və güzəşt dövrü ərzində 1%, qalan dövr üçün isə 1,5% faiz dərəcəsi ilə 32 müddətinə 3 mln. ABŞ dolları məbləğində kredit ayrılıb.

Xəbər lenti

Xəbər lenti