2006-cı ilin yanvar-oktyabr aylarında MDB ölkələrində nəqliyyat müəssisələri tərəfindən daşınan yüklərin artım həcmi ötən ilin müvafiq dövrü ilə müqayisədə orta hesabla 7% təşkil edib. Trend xəbər verir ki, bu barədə MDB Dövlətlərarası statistika komitəsinin hesabatında məlumat verilib.
Cari ilin yanvar-oktyabr aylarında Azərbaycanda daşınmaların həcmi 9% artıb. Tacikistanda yüklərin daşınma həcmi 12,7%, Ukraynada- 8,4%, Rusiyada - 7,6%, Belarusda - 6,9%, Qazaxıstanda - 4,9% artıb.
Bu dövr ərzində daşınmaların ən az artım həcmi Qırğızıstanda qeydə alınıb - 0,7%. Moldovada ilin 10 ayının yekununa görə, daşınmaların həcminin azalması qeydə alınıb. Bu, ötən ilin həcmi ilə müqayisədə yalnız 92,5% təşkil edib.
MDB Statistika komitəsində Özbəkistan və Türkmənistan barədə məlumatlar yoxdur, birinci yarımillik ərzində Gürcüstanın məlumatları isə yük daşınmalarının həcminin 15,2% artdığını təsdiq edir.
