Azərbaycan,Bakı/müxbir Trend İ.Xəlilova/Avropa Yenidənqurma və İnkişaf Bankının məsləhətçisi - Allied Investment Company martın 6-da "Azərbaycan İnvestisiya Şirkəti" (AİŞ) SC-nin Nəzarətçilər Şurasının üzvləri üçün Azərbaycanda neft-kimya kompleksinin yaradılması layihəsinin ikinci mərhələsininin təqdimatını keçirəcək. Bu barədə AİŞ-nin icraçı direktoru Anar Axundov məlumat verib. Bu prosedur hər mərhələdən bir keçirilir, 3 mərhələ olacaq.
İkinci mərhələ potensial maraqlı məhsulun nomenklaturasının ətraflı təsvirini nəzərdə tutub. Bu məhsullar neft-kimya kompleksində texnoloji proseslərdə istehsal olunacaq.
A.Axundovun sözlərinə görə, investorlar dairəsinin dəqiqləşdirilməsi və məhdudlaşdırılmasından sonra onlarla danışıqlara başlamaq olar. Yeni kompleksin yaranma zonası strateji investorların müəyyən edilməsindən sonra müəyyən ediləcək.
Azərbaycanda neft-kimya kompleksinin yaradılması layihəsnin ilkin dəyəri 500 milyon dollar məbləğində qiymətləndirilib. Yekun qiymətləndirmə layihənin artıq üçüncü fazasında aparılacaq, fazaya 2007-ci ilin martında başlamaq planlaşdırılıb.
Allied Investment Company ilkin mərhələdə Azərbaycanda bu istehsalatın effektliyinin qiymətləndirməsini aparıb.
