Azərbaycan, Bakı/ Trend müxbir İ.Xəlilova/ 2007-2011-ci illər Azərbaycanda Dəmir Yol İnfrastrukturunun təkmilləşdirilməsi Dövlət Proqramı çərçivəsində Nəqliyyat Nazirliyi mövcud dəmir yolunda sürətin 150 km/saata çatdırılmasını planlaşdırır. Bu barədə məlumat Nazirlikdən verilib.
Bu istiqamətdə Azərbaycana bir müddət öncə imzalanmış niyyət memorandumu əsasında Cənubi Koreyanın Nəqliyyat Nazirliyi yardım edəcək.
İlk növbədə, yenidənqurma işləri Bakı-Böyük Kəsik-Gürcüstan sərhədi, sonra isə Yalama-Astara hissəsində aparılacaq.
"Azərbaycan dəmir yolunda sürətin artırılması TRACECA nəqliyyat dəhlizində rəqabət qabiliyyətliyi artırmağa imkan verəcək", - deyə Nazirlikdə hesab edirlər.
Koreyalı məsləhətçilərin qiymətləndirməsinə əsasən, Bakı-Böyük Kəsik-Gürcüstan sərhədi istiqamətindəki yolda sürət 30 km/saat təşkil edir, yalnız yolun bəzi hissələrində sürət 160 km/saat olur. Azərlbaycan nəqliyyatçıları əvvəlcə bu sürəti 80 km/saata, sonra isə mərhələ-mərhələ 160 km/saata çatdırmağı təklif ediblər. Bununla yanaşı, paralel olaraq sürətin sonra artırılmasına imkan verəcək, yerli aşağı infrastrukturun yaradılması ilə bağlı tədbirlərin görülməsi də təklif olunur.
Nəqliyyat Nazirliyində bu istiqamətdə işlərin başlanılmasının konkret tarixini söyləməkdə çətinlik çəkiblər. Belə ki, hələ layihənin texniki-iqtisadi əsaslandırılması da hazır deyil.
Sürətin Şimal və Cənub istiqamətlərində, şəhərətrafı və Sumqayıt istiqamətlərində olan elektrik qatarlarında artırılması lazımdır. Burada müxtəlif maliyyə mənbələrindən istifadə ediləcək.
