...

Vergilər Nazirliyi: "ƏDV-hesablarının çek variantı təsirli olmayacaq"

Biznes və iqtisadiyyat xəbərləri Materials 29 May 2007 15:27 (UTC +04:00)
Vergilər Nazirliyi: "ƏDV-hesablarının çek variantı təsirli olmayacaq"

Azərbaycan, Bakı/ Trend müxbir Ü.İsmayılova/ Hazırda Azərbaycanın Vergilər Nazirliyində hazırlanan ƏDV-hesablarının alternativ çek variantı kifayət qədər effektiv olmayacaq. Bunu nazirliyin Vergi siayasəti və strateji araşdırmalar Baş İdarəsinin Qanunvericilik və metodologiya şöbəsinin rəhbəri Şamil Ərəbov söyləyib.

ƏDV-hesablarının tətbiq edilməsi üç il bundan öncə ƏDV inzibati sistemini təkmilləşdirmək üçün təklif olunub. Bu sistemin tətbiqi verginin bu növü üzrə dövlət büdcəsinə ödəmələri 30-50 faiz artırmağa imkan verəcək. Hazırda Azərbaycanda ƏDV dərəcəsi 18 faizdir.

Ərəbov qeyd edib ki, alternativ variant 100 manat və daha artıq nominalda qiymətli kağızların-çeklərin buraxılışını nəzərdə tutur.

"Sahibkarlar əməliyyat apararkən nağd olaraq 100 manat və 18 manatlıq çek ödəyəcəklər ki, bu da ƏDV-dir" - deyə o söyləyib.

Ərəbov həmçinin bildirib ki, bu cür hesablaşma aparılarkən saxtakarlıq hallarının olması istisna olunmur ki, bu da iri həcmli fırıldaqçılığa gətirib çıxaracaq. Buna görə də bu mexanizm təsirsiz hesab olunur.

2001-2005-ci illərdə saxta hesab-fakturalar təqdim etmək yolu ilə vergi ödəyiciləri ƏDV üzrə vergitutmadan 3,4 mlrd. köhnə manat dəyərində hesab gizlədiblər. Bu dövr ərzində dövlət büdcəsinə ƏDV-dən 626,4 mln. köhnə manat dəyərində vəsait daxil olmayıb. 2007-ci ildə Vergilər Nazirliyi tərəfindən ƏDV üzrə dövlət büdcəsinə 580 mln. manat dəyərində vəsaitin daxil olacağı proqnozlaşdırılır.

Xəbər lenti

Xəbər lenti