Azərbaycan, Bakı/ Trend müxbir İ.Xəlilova/ Azərbaycan Maliyyə Nazirliyi iri vergi ödəyicilərindən dövlət büdcəsinə daxoilolmaların artmasını təsdiq edir. Maliyyə Nazirliyindən şənbə günü bildiriblər ki, 2007-ci ilin birinci yarısında vergi orqanları tərəfindıən büdcəyə yığılmış vəsaitlərin 52,6 faizi yaxud 544,01 mln. manatı doqquz iri vergi ödəyicisinin hesabına təmin olunub. Ötən ilin müvafiq dövrü ilə müqayisədə bu göstərici 36,8 faiz artıb. Bununla belə 2006-cı ilin birinci yarısında iri vergi ödəyicilərinin vəsaitləri ümumi vergilərin 26,2 faizini təşkil edib.
Yanvar-iyun ayları ərzində Dövlət Neft Şirkəti 449,6 mln. manat vəsait köçürülüb ki, bu da 2006-cı ilin müvafiq dövründəki 35,5 faizə qarşı vergi orqanlarının yığdıqları vəsaitin 49,4 faizini təşkil edib. ARDNŞ-dən başqa digər 8 iri vergi ödəyicisi 94,43 mln. manat ödəyib ki bu da birinci yarımil üçün olan vergilərin 10,39 faizini təşkil edir.
Rabitə və İnformasiya Texnologiyaları Nazirliyi dövlət büdcəsinə 8,8 mln. manat köçürüb ki, bu da 2006-cı ilin müvafiq dövrü ilə müqayisədə 2,1 faiz azdır. "Azəriqaz" QSC 21,7 mln. manat (63,5 faiz artımla), ADDY 10,3 mln. manat (4,2 faiz artımla), "Azərenerji" ASC 33,9 mln. manat (4,1 dəfə artımla), "AZAL" DK 13,2 mln. manat (27 faiz artımla), "Azərkimya" DŞ 0,35 mln. manat (74,8 faiz azalma), "Azərsu" SC 5,01 mln. manat (4,2 faiz artımla), Xəzər Dəniz Gəmiçiliyi 1,13 mln. manat (87,6 faiz artımla) vergi ödəyib.
Ümumilikdə Vergilər Nazirliyi 2007-ci ilin yanvar-iyun aylarında dövlət büdcəsinə 909,24 mln. manat yaxud ümumi büdcə daxil olmalarının 87,8 faizini köçürməklə proqnoza 100,8 faiz əməl edib.