Azərbaycan, Bakı /müx. Trend İ.Xəlilova / Dövlət əmlakının idarə edilməsi üzrə Dövlət Komitəsi "Grand Handing Company" BM-də dövlət payının özəlləşdirilməsi prosesini tamamlayıb. Bu barədə Dövlət Komitəsindən məlumat verilib. Müəssisədə pay iştirakı "AzAL" Dövlət Konserni ilə Britaniyanın "International Handing Company Limited" şirkəti arasında bərabər bölünmüşdür.
Dövlət Komitəsindən bildiriblər ki, dövlət payını BM-in xarici həmtəsisçisi alıb. Müəssisə hava gəmilərinə yerdə xidmət göstərir.
"Grand Handing Company"nin tamamilə Britaniya şirkətinə keçməsi ilə əlaqədər 6 avqust 2007-ci ildə o, özünün törəmə şirkəti olan "International Handing Corporation" MMC-nin ləğvi barədə qərar verib. Bu şirkət 2003-cü il iyunun 6-da Azərbaycan Ədliyyə Nazirliyində qeydiyyatdan keçib. Bununla əlaqədər şirkət MMC-nin kreditorlarına müraciət edərək iki ay ərzində qurumun borclarını təsdiq edən sənədləri Heydər Əliyev Beynəlxalq Hava Limanı, 3-cü mərtəbə ünvanına təqdim etməyi xahiş edir. Əlaqə telefonlar: 492-90-43, faks: 492-90-46.
