Azərbaycan, Naxçıvan/ Trend , müxbir E.Məmmədov/Hazırda Naxçıvan Muxtar Respublikasında çıxan Badamlı suyunun onda birindən mineral su istehsalı üçün istifadə olunur.
"Badamlı" MMC-nin direktoru Elşad Məmmədovun bildirdiyinə görə, hazırda suyun istehsalı ilə məşğul olan bu müəssisədə 8 yeni layihə hazırlanır.
Bu layihələr reallaşacağı halda suyun 50 faizindən istifadə etmək, həmçinin məhsulun çeşidinin və həcminin artırmaq mükün olacaq.
MMC-nin direktorunun bildirdiyinə görə bu ilin 01 avqust tarixinədək müəssisədə 1 milyon 450 min ədəd Badamlı suyu istehsal olunub. 2006-cı ildə isə ümumilikdə 1 milyon 800 min ədəd Badamlı suyu istehsal olunub.
Müəssisə rəhbərinin dediyinə görə istehsal olunan məhsul Azərbaycanın müxtəlif bölgələrinə və Rusiya Federasiyasına göndərilir.
