Azərbaycan, Bakı, 05 aprel / Trend / Yanvar-mart aylarında Azərbaycan "Şahdəniz" qaz kondensat yatağından 552,6 mln. kubmetr qaz hasil edib ki, bu da keçən ilin analoji dövr göstəricisindən üç dəfə (380,3 mln. kubmetr) çoxdur. Bu barədə Azərbaycan Dövlət Neft Şirkətindən (ARDNŞ) məlumat verilib.
2008-ci il ərzində Azərbaycan "Şahdəniz" yatağından 2 mlrd. 900 mln. kubmetr qaz əldə etməyi planlaşdırır.
Hazırda yataqda dörd quyu istismar olunur. Gündəlik potensial debiti 22 mln. kubmetr qaz təşkil edir.
"Şahdəniz"in işlənmə layihəsi "Mərhələ-1" çərçivəsində plato mərhələsində ildə 8,6 mlrd. kubmetr qaz hasil olunacaq.