Azərbaycan, Bakı, 28 aprel / Trend ,müxbir S.Əliyev/ Xəzərin Azərbaycan sektoru üzrə "İnam" dəniz strukturunda kəşfiyyat quyusunun qazılması karbohidrogenin kommersiya ehtiyyatlarının olduğunu göstərmədi. "İnam" layihəsinin operatoru olan BP şirkəti bu sahədə yerləşən ikinci kəşfiyyat quyusunu da ləğv edəcək. Bu barədə bazar ertəsi hökumətdən bildiriblər.
Hökumətdən bildiriblər ki, qazıma zamanı şirkət praktiki olaraq təxminən 5350 metr layihə dərinliyinə çatıb, lakin karbohidrogenin kommersiya ehtiyyatları aşkar olunmayıb.
Bu struktur üzrə PSA müqaviləsinin öhdəliklərinə əsasən, burada iki kəşfiyyat quyusu qazılmalı idi. 2001-ci ildə 5025 metr layihə dərinliyində olan INX-1 birinci kəşfiyyat quyusu üzrə qazıma işləri aparılıb. Lakin quyuda qəza baş verib, bundan sonra isə o, bağlanıb. Bu quyu öhdəliklərin yerinə yetirilməsi məqsədi ilə nəzərdə tutulmuşdu. Belə olan halda şirkət bütün kəşfiyyat öhdəliklərini yerinə yetirmiş olur.
Quyu Bakının 140 km cənubunda təxminən 225 kv kilometr ərazini əhatə edən müqavilə sahəsində qazılıb. Müqavilə sahəsində quyunun dərinliyi şimalda 45 metrdən cənubda 200 metrədək dəyişir. "İnam bankası"nın minimal dərinliyi dörd metrdir.
ARDNŞ (50 faiz), BP (25 faiz, layihəoperatoru), Koreya Milli Neft Korporasiyası (20 faiz) və Shell (5 faiz) "İnam" layihəsinin iştirakçılarıdır.
