Azərbaycan, Bakı, 24 iyun / Trend , müxbir E.İsmayılov / Azərbaycan Dövlət Neft Şirkətinin "Kompleks qazma işləri" tresti "Bahar" dəniz yatağında yeni dərin qaz quyusunun qazma işlərinə başlayıb. Bu barədə çərşənbə axşamı trestdən bildirilib.
Trest, quyunun 5250 metr layihə dərinliyinin 630 metrini qazıb.
"Bahar" nadir yataqlardan sayılır. Ötən əsrin 80-ci illərində sözügedən yataqdan 16-17 mln. kub metr təbii qaz hasil olunub, bu da ölkənin qaza olan tələbatını 30-40 faiz təmin edib.
"Qum adası" neft-qaz çıxartma idarəsi ("Bahar" yatağının işlənməsi ilə məşğul olur) yataqdan gündəlik 687 min kub metr təbii qaz hasil edir.
