...

SOCAR Georgia şirkəti Gürcüstana tədarük edilən neft məhsullarının həcmini artıracaq

Energetika Materials 9 Sentyabr 2008 16:57

Trend-i buradan izləyin

Azərbaycan, Bakı, 09 sentyabr/ Trend , müxbir E.İsmayılov/ "SOCAR Energy Georgia şirkəti (Azərbaycan Dövlət Neft Şirkətinin müəssisəsi) cari ilin sonunadək Gürcüstan bazarına tədarük edilən bütün neft məhsullarının 55 - 60 faizini təmin etmək niyyətindədir", - SOCAR Georgia-nın rəhbəri Mahir Məmmədov çərşənbə axşamı bildirib.

"Gürcü - osetin münaqişəsi və Qara dəniz limanlarının bağlanması ilə əlaqədar, Gürcüstan bazarındakı Azərbaycan neft məhsullarının xüsusi çəkisi 75 faiz olub. Münaqişə günlərində bu göstərici 100 faizə çatıb", - Məmmədov qeyd edib.

Azərbaycanın Dövlət Neft Şirkəti cari il ərzində Gürcüstan bazarına 350 min ton neft məhsulu tədarük etmək niyyətindədir. Birinci yarımil ərzində tədarük həcmi təqribən 180 min ton müxtəlif neft məhsuluna bərabər olub. Ötən il ərzində Gürcüstana cəmi 200 min ton neft məhsulu tədarük edilib.

SOCAR Georgia Tbilisidə neft məhsullarının saxlanılması üçün iri bazanın tikintisini də həyata keçirir. Neft bazasının tikinti layihəsinin dəyəri $15 mln. qiymətləndirilir. Şirkət bu bazanı gələn ilin sonunadək tikmək niyyətindədir.

Neftbaza Tbilisi Beynəlxalq Hava Limanı yaxınlığında Kiziki küçəsində tikiləcək. Şirkət tikintinin həyata keçirilməsi üçün ötən il təqribən $3 mln.-a beş ha torpaq sahəsi alıb. Yeni obyektin çənləri 20 min tonadək neft məhsulları, o cümlədən Gürcüstan bazarında realizə olunacaq mayeləşdirilmiş qaz saxlamağa imkan verir.

Bu bazada müxtəlif növ benzin, kerosin, bitum, mayeləşdirilmiş qaz və mazut saxlanılacaq. Bazanın sahəsi təqribən 5 ha təşkil edəcək.

SOCAR Georgia həmtəsisçiləri aşağıdakılardır: ARDNŞ - 51 faiz, Petro-Trans FZCO - 32,7 faiz və İvan Çxartişvili - 16,3 faiz.

Müəlliflə əlaqə saxlamaq üçün elektron ünvan: cap

Xəbər lenti

Xəbər lenti