Azərbaycan, Bakı, 24 sentyabr / Trend , müxbir S.Əliyev/ BP Azerbaijan şirkəti və onun Azərbaycanın їŞahdənizї qaz-kondensat yatağının işlənilməsi layihəsi üzrə tərəfdaşları layihə çərçivəsində qaz və kondensatın hasil ediləcəyi stasionar platformanın qurulmasından ibarət їMərhələ-2їnin realizə konsepsiyasını müəyyən ediblər, layihəyə yaxın məlumatlı mənbə çərşənbə günü Trend -a bildirib. Tikinti işlərinə 2013-cü ildə başlamaq nəzərdə tutulur.
Platforma SOCAR-a (Azərbaycan Dövlət Neft Şirkəti) məxsus Heydər Əliyev adına Bakı Dərin Özüllər Zavodunun bazasında tikiləcək. Respublikada platformanın tikintisi layihənin realizə müddətini azaltmağa, yerli infrastruktur və personalı işlərə cəlb etməyə imkan verir.
Əvvəllər BOS Shelf və McDermott şirkətləri tərəfindən bu müəssisədə BP-nin operatoru olduğu їAzəri ї Çıraq ї Günəşliї dəniz yataqları blokunun işlənilməsi layihəsi çərçivəsində altı platforma tikilib.
Zavodun müvafiq avadanlıq, stapelləri və digər infrastrukturu їŞahdənizї layihəsinin їMərhələ-2їsi üçün yeni platforma tikməyə imkan verir. Bununla yanaşı, yeni nəqletmə infrastrukturunun tikintisinə zərurət olacaq. Əvvələr böyük qazçıxarma platformasının tikintisi məsələsi nəzərdən keçirilib. Onun dənizlə daşınması üçün yeni barja və güclü kran gəmisi tikmək lazım gəlirdi. Lakin kiçik ölçülü stasionar platformanın tikintisi haqqında qərar zavodda əlavə infrastrukturun yaradılmasına dair zərurəti gündəlikdən çıxarıb.
їŞahdənizї layihəsinin їMərhələ- 1ї çərçivəsində yataqda özüqalxan TPG-500 platforması quraşdırılıb. Platformanın korpusu və onun yuxarı hissələri Sinqapurda Keppel Fels şirkətinin tərsanələrində tikilib və Bakıya dənizlə gətirilib. Platforma Azərbaycanda yığılıb.
їŞahdənizї Azərbaycanda qaz-kondensat şelf yatağıdır. Yataq Xəzər dənizinin cənub-qərbində, Bakıdan 100 km cənub-şərqdə yerləşib. Yataq rayonunda dənizin dərinliyi 70-600 metrdir.
Yatağın ümumi ehtiyatları 1,2 trln. kubmetr təbii qaz qiymətləndirilir.
їŞahdənizї dəniz yatağının işlənilməsinə dair müqavilə 1996-cı il iyunun 4-də imzalanıb. Müqavilənin iştirakçıları aşağıdakılardır: BP (operator) -25,5 faiz, Statoil Hydro ї 25,5 faiz, NICO ї 10 faiz, Total ї 10 faiz, LukAgip ї 10 faiz, TPAO- 9 faiz, ARDNŞ ї 10 faiz.
Bu yataqdan hasilat 2006-cı ilin dekabrında başlayıb. Hazırda qaz Cənubi Qafqaz qaz kəməri ilə Gürcüstan və Türkiyəyə nəql edilir. Azərbaycan da qazın alıcısı kimi çıxış edir.
Layihənin ikinci mərhələsinin realizəsi ilə qazın Yunanıstan, İtaliya və digər Avropa ölkələrinə satılacağı gözlənilir. Öz başlanğıcını Türkiyədən götürəcək їNabukkoї qaz kəmərinin tikintisi üzrə konsorsium bu yatağa müəyyən ümidlər bəsləyir. їŞahdənizїdən hasil edilən qazın bir hissəsi 2013-cü ildə istismara veriləcəyi gözlənilən bu qaz kəməri ilə nəql edilə bilər.
2012-ci ildən sonra yataqdan qaz hasilatı ildə 20 mlrd. kubmetri ötə bilər.
Müəlliflə əlaqə saxlamaq üçün elektron ünvan: [email protected]