Azərbaycan, Bakı, 18 sentyabr / Trend /
Yanvar-avqustda Azərbaycan "Şah Dəniz" qaz kondensat yatağından 2008-ci ilin müvafiq dövründəki 1,4 milyard kubmetrən çox qaza qarşı təxminən 811 milyon kubmetr qaz əldə edib, ARDNŞ-dən məlumat verilib.
Bu dövrdə əldə olunan qazın ümumi həcmindən təxminən 365 milyon kubmetr ARDNŞ-in "Şah Dəniz" layihəsində pay iştirakına düşür, qalan hissə - 446 milyon kubmetrdən çoxu isə ARDNŞ tərəfindən alınıb.
"Şah Dəniz" yatağının işlənməsinə dair müqavilə 1996-cı il iyunun 4-də imzlanıb. Layihə iştirakçıları bunlardır: BP (operator) -25,5 faiz, Statoil Hydro - 25,5 faiz, NICO - 10 faiz, Total - 10 faiz, LukAgip - 10 faiz, TPAO- 9 faiz, ARDNŞ - 10 faiz.
Hazırda qaz Cənubi Qafqaz qaz kəməri ilə Gürcüstan və Türkiyəyə nəql olunur. "Şah Dəniz"in işlənməsi layihəsinin "Mərhələ-1" çərçivəsində 2009-cu ildə 7,2 milyard kubmetr qaz hasil ediləcək.
Ümumilikdə bu yatağın işlənməsinin ikinci fazası çərçivəsində ildə 20 milyard kubmetrədək qaz hasil etmək planlaşdırılır.
