Azərbaycan, Bakı, 8 sentyabr /Trend/
Sumqayıt şəhərinin təbii qaz təchizatında məhdudiyyətlər olacaq.
"Azəriqaz" İstehsalat Birliyinin İctimaiyyətlə əlaqələr şöbəsindən Trend-ə verilən məlumata görə, orta təzyiqli qaz kəmərinin yerinin dəyişdirilərək qaz təchizatı mənbəyinə qoşulması ilə əlaqədar sentyabrın 9-da saat 10:00-dan işlər yekunlaşanadək Sumqayıt şəhərinin bir hissəsində təbii qazın verilişində fasilələr yaranacaq.