Bakı. Trend:
Aİ və Azərbaycan arasında enerji üzrə yeni anlaşma memorandumu Avropanın diversifikasiya səylərində Cənub Qaz Dəhlizinin strateji rolunu vurğulayır.
Trend xəbər verir ki, bunu Avropa İttifaqının energetika üzrə komissarı Kadri Simson deyib.
"Azərbaycan artıq Aİ-yə təbii qaz tədarükünü artırıb və bu tendensiya davam edəcək. Bu il əlavə olaraq dörd milyard kubmetrə qədər qaz veriləcək və 2027-ci ilə qədər tədarük həcminin iki dəfədən çox artacağı gözlənilir. Lakin bizim əməkdaşlığımız bundan da kənara çıxır, bərpa olunan enerjinin tətbiqini və metan tullantılarına qarşı mübarizəni sürətləndirməkdən keçir; bu addımlar təchizatın təhlükəsizliyini yaxşılaşdıracaq və iqlim məqsədlərimizə nail olmağa kömək edəcək", - deyə K.Simson bildirib.