Bu gün Bakıda Almaniyanın KfW yenidənqurma bankının energetika üzrə iki eksperti Azərbayxanda avqustun 8-də başlanılmış missiyanı başa çatdırıb.
KfW -nin Bakıdakı nümayəndəliyində bildirilib ki, ekspertlər elektrik enerji - ötürücü sistemin yenidən qurulmasının ikinci mərhələsinin gerçəkləşdirilməsini müsbət qiymətləndirib və Azərbaycanın Goranboy-İmişli SES 330 kVt EÖX-nin çəkilməsinin maliyyələşdirilməsi perspektivlərini müzakirə edib.
"Bank yarımkommersiya şərtləri ilə 30 mln. avroyadək verməyə hazırdır.Bununla kreditləşdirmə dövrü ödəmə müddətinin müxtəlif uzadılması ilə 12-15 il təşkil edə bilər.Uzadılma müddəti böyük olsa, kreditləşdirmə və faiz tarifləri artırılır.KfW həmin layihə üçün mübarizədə digər kommersiya bankları ilə rəqabət aparacaq.
Buna görə bank Azərenerji ASC-yə maliyyələşdirmə sxemi üzrə təkliflər verməli və ölkə hökumətinə maliyyələşdirmənin cəlb edilməsinə icazə üçün müraciət etməlidir " -deyə nümayəndəlikdə bildirilib.
Əvvəllər KfW energetika layihələrini ölkədə güzəştli şərtlərlə - 40 il müddətə 0,75% illik olmaqla 10 il güzəştlə maliyyələşdirirdi.
Azərbaycanın Goranboy-İmişli SES EÖX-nin uzunluğu seçilmiş yol marşrutundan asılı olaraq 100-110 kilometr təşkil edə bilər.EÖX ölkənin qərbindən şərqinə elektrik enerjisi axınının yaxşılaşdırılması, cənub regionlarının enerji təchizatının təkmilləşdirilməsi, Azərbaycanla İran arasında axının potensial artırılmasının texniki imkanlarının yaradılması üçün nəzərdə tutulur.
