ARDNŞ Bakının "Azərneftyağ" NEZ və Heydər Əliyev adına (keçmiş "Azərneftyanacaq") NEZ-in yenidən qurulmasında maraqlıdır. ARDNŞ-də Trend ə bildirilib ki, hər şeydən öncə, bu, "Azərneftyağ" NEZ-də istehsal olunan yağların keyfiyyətinin yaxşılaşdırılmasına aiddir.
"Bizə xarici şirkətlərdən NEZ-in müasirləşdirilməsi ilə bağlı mütəmadi olaraq müxtəlif təkliflər daxil olur" -deyə ARDNŞ-də qeyd olunub.
Qeyd edək ki, Hindistan şirkətləri Azərbaycanda NEZ-lərin yenidən qurulması ilə bağlı 2 təklif göndərib və rəsmi Dehli bu təşəbbüsə cavab gözləyir. Hindistanın Azərbaycandakı səfiri Cioti Svarupa Pandenin sözlərinə görə, Hindistanın ən iri neft şirkətlərindən biri 2005-ci ilin dekabrında ARDNŞ-ə təkliflər təqdim edib. Hazırda Amerikanın UOP şirkəti Heydhər Əliyev adına NEZ-də buraxılan benzinin benzolun həcminin 0,2% azaldılması yolu ilə keyfiyyətinin yüksəldilməsi perspektivi çərçivəsində araşdırmalar aparır. Oxypro qurğusunun inşası NEZ-ə avtomobil benzini buraxılışını ildə 1,2 mln tonadək artırmağa imkan verəcək. Alkylene qurğusu ildə təxminən 300 min ton həcmində mühərrik yanacağı alkilatı, Oxypro isə ildə 130 min ton yüksək oktanlı benzin buraxacaq. Layihənin dəyəri $60-90 mln. olaraq qiymətləndirilir, ödəmə müdəti isə 27 ay təşkil edəcək.
"UOP şirkətinə müəyyən ümidlər var, amma bu şirkətin işləri Bakı NEZ-lərin tamamilə müasirləşdirilməsi üçün kifayət deyil" -ARDNŞ-də qeyd olunub.
