Azərbaycan Dövlət Neft Şirkəti 2015-ci ilədək geofizika və geologiyanın kompleks inkişaf proqramının işlənib hazırlanmasını başa çatdırıb və bu proqramın gerçəkləşdirilməsinə başlayıb. Bu barədə Trend ə ARDNŞ prezidenti Rövnəq Abdullayev məlumat verib.
Hazırda avadanlıqlar alınır və əməkdaşların ixtisasının artırılması üzrə treninqlər keçirilir. Azərbaycanın neft-qaz sektorunda geofizika və geologiyanın kompleks inkişaf proqramının gerçəkləşdirilməsinə $200-250 mln tələb olunur.
Hazırda Xəzərin Azərbaycan sektorunda fəaliyyət göstərən xarici şirkətlər üçün bütün geofiziki işləri xarici şirkətlər yerinə yetirir. Ancaq ARDNŞ yataqlarının kəşfiyyatını və işlənməsini özü həyata keçirmək niyyətindədir.