Finlyandiyanın Wartsila şirkəti Bakı-Tbilisi-Ceyhan (BTC) boru kəmərinin Türkiyə hissəsinə texniki xidmət göstərmək üçün Botas İnternational Ltd. şirkəti ilə müqavilə bağladığını bildirib. Trend xəbər verir ki, bu barədə Finlyandiya şirkətinin məlumatında qeyd olunub. Sənəddə qeyd olunub ki, müqavilənin müddəti üç ildir.
Bakı-Tbilisi-Ceyhan boru kəmərinin Türkiyə hissəsi BTC Co. və Botas İnternational Limited tərəfindən idarə olunacaq. İdarə növbəti üç il ərzində həyata keçiriləcək.
Əvvəl Botas və BTC Co. boru kəmərinin istismarı üzrə birgə fəaliyyətin əsas prinsiplərini razılaşdırıb.
Güman edilirdi ki, Türkiyə ərazisində boru kəmərinin idarəsi ilə yalnız türk şirkəti məşğul olacaq. Lakin əldə olunmuş razılığa əsasən ilk üç il ərzində boru kəmərinin idarəsində hər iki tərəf iştirak edəcək. İstismar zamanı yaranan bütün məsələləri həmçinin hər iki tərəf həll edəcək.
BTC Co. şirkətinin səhmdarları aşağıdakılardır: BP (30,1%); AzBTC (25,00%); Shevron (8,90%); Statoil (8,71%); TPAO (6,53%); Eni (5,00%); Total (5,00%), Itochu (3,40%); INPEX (2,50%), ConocoPhilips (2,50%) və AmeradaHess (2,36%).
