Azərbaycan Respublikası Dövlət Neft Şirkəti (ARDNŞ) "Naxçıvan", "Ümid" və "Babək" perspektiv strukturlarında qazma işləri aparmaq üçün işlərin qiymətləndirilməsini və kəşfiyyat quyularının layihələndirilməsini həyata keçirir. Trend in xəbər verdiyi kimi, bu barədə ARDNŞ-in geologiya, geofizika və yataqların işlənilməsi üzrə vitse-prezidenti Xoşbəxt Yusifzadə məlumat verib.
Onun sözlərinə görə, hal-hazırda "Naxçıvan" perspektiv strukturunda kəşfiyyat quyularının qazılması imkanları nəzərdən keçirilir. Həmin yataqda Dövlət Neft Şirkətinin bir quyusu var. Quyu bir qədər əvvəl "ExxonMobil" şirkəti tərəfindən qazılıb, amma o, yataqdan kənara düşüb. Məlumatların qiymətləndirilməsi quyunun qazma nöqtəsini müəyyən etmək üçün aparılır.
