Bakı. Trend:
Beynəlxalq Valyuta Fondu (BVF) pandemiyanın nəticələrindən ziyan çəkən dünya iqtisadiyyatının bərpasına dəstək üçün təşkilatın 650 milyard dollar həcmində əlavə ehtiyat aktivlərinin ayrılmasını təsdiqləyib.
Trend TASS -a istinadən xəbər verir ki, bu barədə fondun yaydığı bəyanatda bildirilib.
"BVF İcraiyyə Şurası qlobal likvidliyi artırmaq üçün 650 milyard dollar məbləğinə ekvivalent xüsusi borcalma hüquqlarının (SDR, BVF-nin hesab vahidi olan SDR, nağdsız formaya malikdir və dəyəri hər gün əsas valyutaların bazar məzənnələrinə əsasən müəyyən edilir) ümumi ayrılmasını təsdiqlədi", - sənəddə deyilir.