Azərbaycan, Bakı, 7 yanvar /Trend, müxbir H.Vəliyev/
Ölkə hökumətində Azərbaycan İnformasiya Texnologiyalarının İnkişafı Dövlət Fondunun (İTİDF) əsasnaməsi layihəsinin razılaşdırılması praktiki olaraq başa çatıb. Bu barədə bazar ertəsi Trend-ə layihəyə yaxın mənbə məlumat verib.
Fondun əsasnaməsinin yanvarın ortalarında təsdiqlənəcəyi gözlənilir, sonra fond İKT sektoruna cəlb edilmiş şirkətlərin böyük layihələrinin maliyyələşdirilməsinə başlayacaq. Şirkətlər fond vasitəsilə maliyyələşdirilmə çərçivəsində xüsusi vergi və gömrük güzəştləri ala biləcəklər.
Artıq Azərbaycan Rabitə və İnformasiya Texnologiyaları Nazirliyi tərəfindən ölkəyə yüksəktexnologiyalı məhsulların idxalı ilə məşğul olan şirkətlərə gömrük rüsumlarının azalması üzrə təkliflər hazırlanıb.
İTİDF-nin yaradılması layihəsi şirkətlərə kredit və güzəştlərin verilməsini təmin edir.
Rabitə və İnformasiya Texnologiyaları Nazirliyinin balansında İnformasiya Texnologiyalarının İnkişafı Dövlət Fondunun yaradılması haqqında sərəncam Prezident İlham Əliyev tərəfindən 2012-ci il martın 15-də imzalanıb.
