...

İranın benzin idxalından imtina etməsi ölkə hökumətinə baha başa gələ bilər – qərb ekspertləri

Dünya xəbərləri Materials 20 May 2009 13:36

Trend-i buradan izləyin

Azərbaycan, Bakı, 20 may / Trend , müxbir A.Bədəlova /

İranın benzin idxalını dayandırması ölkə iqtisadiyyatı üçün mənfi nəticələrə gətirib çıxaracaq. "İrana benzin idxalı lazımdır. Yanacaq çatışmazlığı ictimaiyyət arasında narazılıq yaradacaq", - deyə Amerikanın Energy Security Analysis (ESAI) analitik şirkətinin eksperti Endryu Rid (Andrew Reed) hesab edir.

Ridin fikrincə, İranın emal gücü benzinə olan daxili tələbatların ödənməsi üçün kifayət qədər deyil. Rid hesab edir ki, İran benzin idxalçısıdır və yaxın gələcəkdə də idxalçı olaraq qalacaq. Ekspert bildirib ki, İran ölkənin benzinə tələbatnı ödəmək üçün bu gün təqribən sutkada 150 min barel idxal edir.

İranın neft naziri Qulamhüseyn Nozari bu həftə bildirib ki, "İrana benzin satılmasına qadağa qoyulub, lakin ölkə belə qadağaları alqışlayır". Onun sözlərinə görə, İran Fars körfəzində, Satarda neft emalı zavodu tikməklə sutkada 35 mln. litr benzin istehsal edəcək və onu daha idxal etməyəcək.

Rid elektron poçt ilə Trend -a bildirib ki, tezliklə İranda prezident seçkiləri keçiriləcək və bu halda, hazırda ölkənin idxaldan imtina etməsi səbəbindən yaranan benzin defisiti siyasi mənada hazırkı hökumətə baha başa gələ bilər.

"İranın neft nazirinin bəyanatı ölkənin qadağalar qarşısında davamlılıq və əyilməzliyini nümayiş etdirmək siyasətinə müvafiqdir", - deyə Rid bildirib.

Amerikanın Cato İnstitutunun əməkdaşı, təbii sərvətlər sahəsində tədqiqatların rəhbəri Cerri Teylor (Jerry Taylor) hesab edir ki, "qadağaları alqışlamaq" iqtisadi nöqteyi-nəzərdən düzgün deyil, çünki ticarətdə məhdudiyyət həmişə ölkə iqtisadiyyatının inkişafına mənfi təsir göstərir.

Teylor Nozarinin 48 saat ərzində benzin idxalının dayandırılmasının istənilən itkilərə baxmayaraq daxili isiehsal hesabına təmin ediləcəyinə dair bəyanatına şübhə ilə yanaşır.

"İranın neft emalı sektorunda idxalın əvəzlənməsi üçün istehsalın bu qədər sadə şəkildə artırılması üçün imkan varsa, bəs nə üçün bu, bu günədək edilməyib?", - deyə Trend -a elektron poçt ilə Teylor bildirib.  

Pioneer Astronautics şirkətinin prezidenti Robert Zubrin (Robert Zubrin) hesab edir ki, İranın neft nazirinin bəyanatı siyasi haqq-hesabdır.

Benzin idxalının dayandırılması, onun sözlərinə görə, İran xalqı üçün böyük çətinliklərin yaranmasına səbəb olacaq.

"İran rejimi bu çətinliyi öz qərb düşmənlərinin üzərinə yıxmağı uğurla bacararsa, o zaman embarqo hakimiyyət rejimini möhkəmləndirməyə kömək edəcək", - deyə Trend -a elektron poçt ilə Zubrin bildirib. Bu səbəbdən mən hesab edirəm ki, embarqo ağılsızlıqdır, çünki o, rejimin tədbirsizliyinə görə rejimin özünü yox, İran xalqını cəzalandırır".

Məqalə müəllifi ilə əlaqə ünvanı: [email protected]

Xəbər lenti

Xəbər lenti