İranın daxili işlər naziri Mustafa Məhəmməd Nəccar sabah Pakistana səfər edəcək. Məlumatı İranın MEHR xəbər agentliyi yayıb.
Nəccar səfəri çərçivəsində Pakistanda baş vermiş təbii fəlakət nəticəsində ziyan görmüş ərazilərdə olacaq, oradakı insanlara yardım göstərilməsi və daşqınların nəticələrinin aradan qaldırılması istiqamətində görülmüş işlərlə tanış olacaq.
Nəccarı İranın ali lideri ayətullah Əli Xamneyinin xüsusi nümayəndəsi, bu ölkənin Qırmızı Aypara cəmiyyətinin rəisi, eləcə də İran Fövqəladə Hallar İdarəsinin rəisi müşaiyət edəcək.