Azərbaycan, Bakı, 22 iyun /Trend/
"Suriyanın dostları" qrupu hökumət qoşunları ilə silahlı mübarizəni aparan suriya üsyançılarına hərbi köməyin göstərilməsi ilə əlaqədar çıxış ediblər. Bu barədə Trend RİA Novosti agentliyinə istinadən məlumat verir.
"Görüşdə biz təcili surətdə müxalifəti yerlərdə bütün lazımi materiallarla təchiz etməyə razılıq vermişik. Bütün hərbi kömək üsyançıların ali hərbi şurası vasitəsilə keçəcək", - "Suriyanın dostları"nın məlumatında deyilir.
Suriya üzrə keçirilən nazirlər görüşünün iştirakçıları şənbə günü Dohada həmçinin
Suriya münaqişəsinin siyasi yolla nizama salınması üzrə beynəlxalq konfransın keçirilməsini dəstəkləyiblər.