Azərbaycan, Bakı, 10 iyun /Trend, müxbir R.Hafizoğlu/
Türkiyə "Boko Haram"ı terror təşkilatları siyahısına daxil edib. Bu barədə Trend çərşənbə axşamı Türkiyənin "Resmi Gazete"sinin saytına istinadən məlumat verir.
Qeyd edək ki, Nigeriya hakimiyyətinin xahişi ilə BMT-nin Təhlükəsizlik Şurası mayın 22-də "Boko Haram"ı terror təşkilatları siyahısına daxil edib.
"Boko Haram" silahlıları aprelin ortalarında 270-dən artıq məktəblini qaçırdıqdan sonra Nigeriya hakimiyyəti BMT-nin Təhlükəsizlik Şurasına müraciət etmişdi.
"Boko Haram" radikal islam qruplaşması Nigeriyanın şimalında fəaliyyət göstərir. Onun üzvləri qərb təhsil sisteminin əleyhinə çıxış edirlər və ölkədə şəriət qayda-qanunun tətbiq edilməsinə çalışırlar.