Bakı. Trend:
Malayziyada ağır yol qəzası nəticəsində 10 nəfər ölüb, 34 nəfər isə yaralanıb.
Trend-in məlumatına görə, xarici işçiləri daşıyan avtobus, naməlum səbəblərə görə, yola çıxdıqdan sonra küvetə (xəndəyə) aşıb. Avtobus sürücüsü və 8 sərnişin hadisə yerində dünyasını dəyişiblər, daha bir nəfər isə xəstəxanada ölüb.
Hadisə bazar günü axşam saatlarında paytaxt Kuala-Lumpur ətraflarında baş verib.
Yaralananlar xəstəxanaya çatdırılıb..