Bakı. Trend:
Mərkəzi Afrika Respublikasının qərbində BMT-nin 3 sülhməramlısı öldürülüb.
Trend xəbər verir ki, bu barədə "AFP" agentliyi BMT baş katibinin nümayəndəsi Stefan Cüjarrikə istinadən məlumat yayıb.
"BMT-nin Mərkəzi Afrika Respublikasındakı "MINUSCA" missiyasının sülhməramlılarının avtomobili oktyabrın 4-nə keçən gecə Uam-Pende bölgəsində minaya düşüb. 3 sülhməramlı həlak olub, 1-i isə yaralanıb", - deyə S.Cüjarrik bildirib.
Qeyd edilir ki, ölənlərin hamısı "MINUSCA"nın Banqladeş kontingentinin üzvləri olub.