Bakı. Trend:
“Bayraktar TB2” 27 ölkəyə ixrac ediləcək.
Trend xəbər verir ki, bu barədə “HaberTürk” telekanalına müsahibəsində “Baykar Teknoloji” şirkətinin baş direktoru Haluk Bayraktar bildirib.
“Dünya “Bayraktar TB2” dən danışır. 27 ölkə ilə ixrac müqavilələri imzalanıb. Türkiyə bu sahədə özünü sübut etdi. Onun sərhədləri aşan böyük töhfəsi var. Bu gün Türkiyə tərəfindən hazırlanmış PUA-ları Azərbaycana çatdırırıq. Hədəflərin 75 faizi “Bayraktar TB2” ilə vurulur”, - deyə Haluk Bayraktar vurğulayıb.
O qeyd edib ki, Türkiyə Birinci Qarabağ müharibəsi zamanı Azərbaycana yaralıları təxliyyə etmək üçün helikopter verə bilməyən ölkədən, ən müasir pilotsuz uçuş aparatları verən Türkiyəyə çevrilib.